Occupy Wall Street eins árs í gær 17.09.2012

Það veldur mér alltaf vonbrigðum hvaða fréttir ná til stærstu fréttamiðla Íslands og/eða heimsins. Til að mynda voru hópmótmæli í New York í gær þar sem yfir 180 mótmælendur voru handteknir. Ástæða mótmælanna í gær voru vegna eins árs "afmælis" occupy wall street hreyfingarinnar en hún á rætur sínar að rekja til mótmæla sem áttu sér stað í fyrra aðallega gegn fyrirtækjagræðgi, launamisrétti og spillingarmætti peninga í stjórnmálum.

Eftir að OWS hreyfingin kom saman og tjaldaði eftirminnilega í Zucotti Park í New York í fyrra hefur fjöldinn allur af OWS hreyfingum og mótmælum sprottið upp um gjörvöll Bandaríkin sem og öðrum stórborgum heimsins. Forsprakkar hreyfingarinnar telja sig vera rödd þeirra 99% fólks í heiminum og hafa þeir barist gegn vaxandi mun á skiptingu auðvaldsins milli ríkra og fátækra í Bandaríkjunum. OWS hreyfingin í New York átti undir vök að verjast í Nóvember í fyrra þar sem lögreglan í New York réðst að tjaldbúðum mótmælenda, þar sem um 200 manns voru handteknir. Aðrir mótmælendahópar OWS um Bandaríkin hafa einnig orðið fyrir fjöldahandtökum í kjölfarið. 

 

Það ber að nefna að 46.7 milljón manns í Bandaríkjunum treysta á "food stamps" matarmiða fyrir matarinnkaupum og yfir 15 milljón þeirra eru börn. Hér er áhugaverð grein frá CNN um málið, http://money.cnn.com/2012/06/25/news/economy/food-stamps-ads/index.htm. Svo ber að nefna að það er talið að 3,5 milljón manna í Bandaríkjunum eru án heimilis meðan 18,5 milljón heimili standa auð, http://blog.amnestyusa.org/us/housing-its-a-wonderful-right/.

Er vaxandi spenna milli Ísraels og Írans möguleg lausn á þessu vandamáli?  http://www.telegraph.co.uk/news/worldnews/middleeast/iran/9545597/Armada-of-international-naval-power-massing-in-the-Gulf-as-Israel-prepares-an-Iran-strike.html

 Af hverju þetta kemst ekki í fjölmiðla meðan aðalfrétt morgunblaðsins núna er "ökumenn undir áhrifum" og vísir talar um að "Danir tapa stórfé á örum frumsýningum kvikmynda" þykir mér afar merkilegt.